NAGA CITY- Nagpa-abot nin pagkahandal an pamayuhan kan Bayan Camarines Sur makalihis an pagsasanib pwersa kan partido ni Presidente Ferdinand Marcos asin partido ni Senator Cynthia Villar.
Sa entrevista kan Bombo Radyo Naga ki Nelsy Rodriguez, Chairperson kan Bayan Camarines Sur, sinaysay kaini na nakakahandal ini huli ta posible na magkaigwa nin dakulang epekto sa nasyon orog na sa syudad nin Naga asin sa probinsya kan Camarines Sur.
Posible kaya soboot na mas kadakol pa na mga omahan an ma-i-convert komo subdivision asin mapatindugan nin iba pang establishemento huli digdi.
Nahahandal man ini sa kapakanan kan lambang Pilipino orog na para sa mga paraoma.
Dugang pa ni Rodriguez dae dapat paghayaan kan lambang mga residentes an kun sisay sisay sana an mangamkam kan pagsasadiri kan publiko.
