NAGA CITY- Nagtao ngunian nin tips si Bb. Pilipinas Universe Rachel Peters sa mga aspiring beauty queens urog na an mga sasabak sa Bb. Pilipinas 2018.
Sa ekslusibong entrevista kan Bombo Radyo Naga sa Filipino-British beauty na presenteng nagbabakasyon sa Camarines Sur, inako kaini na masakit talaga subot an pinag-aagihan kan mga beauty queens alagad importante pa man na i-enjoy kan mga ini an pagbale sa mga pageants.
Kung na-e-enjoy suboot kan mga kandidata an mga pageants, dai ninda gayong mamatean an pressure sa kompetisyon.
Meintrastanto, sinaysay man kan 26-anyos na Bicolana beauty na huli sa pagsali niya sa mga pageants, urog na sa Ms. Universe 2017 na kinondusir duwang bulan na an nakakalihis sa Las Vegas, mas dakol suboot siyang nanudan, physically, emotionally asin maging spiritually.
