Balik Pilipinas si Filipino-American TikTok star Bella Poarch makalihis an haros 14 taon.
Sa social media account, pigheras nin Bella an saiyang liwat na pagbwelta sa Pilipinas mantang igwang pigsasapong kuliti o kula-toy.
Dae soboot mapupugulan kan saiyang sinasapo sa presente an pagbalik sa nasyon.
Katakod kaini, kan maka-abot sa Pilipinas, tolos na nagderitso si Bella sa ospital tanganing magsairarom sa surgery.
Advertisement
Igwa soboot kaya ini na importanteng shooting ngunyan na semana kun kaya nagdesisyon na magsairarom sa surgery.
Labi man an pasasalamat kaini sa mga Pilipino na doktor asin nurses na nag-ataman sa saiya.
Sa ngunyan, nasa marhay na kondisyon na soboot an content creator mantang nagtitinir sa Bohol.
Advertisement
