Nakapagrehistro sa historya kan Grammy Awards si Beyonce.
Ini huli ta an nasambitan ng singer an igwang kapot kan most-nominated artist of all time.
Huli digde nalampasan na ni Beyonce an agom na si Jay-Z.An mag-agom kaya an parehas na igwang 88 nomination kaidto asin huli sa bagong album na Cowboy Carter, nalampsan na ini ni Beyonce. Ngunyan na taon kaya, igwang 11 nominations kaiba an best album, best country album asin song o the year na “Texas Hold’Em” an singer.
Nagkapira sa mga igwang kadakol na nominees na tig-pito kada saro iyo sinda Billie Eilish, Kendrick Lamar, Post Malone asin Charli XCX.Igwa man na tig-anom na nominations sinda Taylor Swift, Sabrina Carpenter asin Chappel Roan.
Kaibahan man an legendary band na The Beatles na nominado sa record of the Year na “Now And Then” na sarong dae natapos na sonata kan bokalistang si John Lennon na piggibuhan nin paagi gamit an artificial intelligence o AI.
Mientrastanto, gigibuhon an ceremony kan Grammy Awards sa Los Angeles sa Pebrero 2, 2025.
