NAGA CITY- Nagpagirumdom an BFP Iriga sa importansya kan pagkakaigwa nin Fire Extinguisher kan mga edificio asin mga nagmamaneho nin behikulo.
Sa entrevista kan Bombo Radyo Naga ki SFO1 Raygel Turallo-Chief, Fire Safety Enforcement Section Bfp Iriga, sinaysay kaini na saro sa pighahagad tuyong may inspection an saindang mga Fire Inspectors iyo an mga Fire Extinguisher, ini pig rerequire para man sana kasalbaduhan kan gabos.
Sigun ki Turallo, sa dae piglalaoman nin kasulo, igwa nin magagamit an publiko antes pa man makaabot an saindnag pag iriba sa pinangyarihan kan insidente tangani magresponde asin magtabang sa pagtumtom kan kalayo.
Dugang pa kan opisyal, nagamit kan mga crews an saindang training sa firefighting sa nangyari kan nakalihis, na kun saen sarong tricycle an bigla na sanang nagliyab.
Katakod kaini, labi an saindnag pasalamat huli ta antes pa sinda mag responde, dawa papano natumtom na tulos an kalayo sa behikulo. Kan nakalihis na semana, nagkundusir sinda nin mga inspection sa City Terminal kan gabos na mga pampublikong transportasyon siring kan van, PUV asin mga bus.
Ini tangani masierto na an pagbabyahe an talagang salbado sa ano man na oras.
Sa ngunyan, pigtawan duon pa ni Turallo, na pag nagpaparehistro an mga drivers sa LTO o LTFRB, pigrerequire talaga an mga ini na magkaigwa nin Fire Extinguisher sa mga lunadan komo preparasyon enkaso igwa nin kasulo na mangyari.
