Nagpepreparar na an OPM boy group na BGYO para sa saindang enot na solo concert ngunyan na Oktubre.
Ipigheras kan grupo an nasambitan ng bareta sa sarong post sa social media kun saen digde man ipigheras an nakatalaang petsa.Gaganapon an “BGYO: The First Solo Concert” sa Oktubre 4 sa New Frontier sa Cubao, Quezon City.
Marurumduman na an limang miyembro kan grupo an nagselebrar kan saindang ikaapat na anibersaryo kan nakalihis na Enero.An nasambitan ng OPM Boy Group an pigbibilog ninda Akira, Gelo, JL, Mikki, asin Nate, asin nabilog ini kan nakalihis na taong-2018.
Makalihis magsairarom sa mga training na siring kan K-pop trainee system, ginibo ninda an saindang opisyal na debut kan taong-2021.
Kan nakalihis na bulan sana, nagluwas in single an BGYO mapadapit sa pagigin hopeless romantic na igwang titulong “All These Ladies.”
Kasuari sana nanggana an grupo komo Group Performer of the Year sa 6th VP Choice Awards asin pigtanghal na parte kan Billboard Philippines’ P-pop Rising Class of 2025.
