Ipinagbabawal na kan Bureau of Immigration (BI) an layovers para sa mga puganteng igwa nin kinaraman asin man imbwelto sa mga operasyon kan Philippine Offshore Gaming Operation (POGO) sa laog man kan nasyon.
Ini an basado na man sa BI Board of Commissioners Resolution no. 2025-002 na ipina utob kan nakalihis na Marso 21 na iyong nagsasabi na an mga banyaga na deportees na igwa nin koneksyon o nadakop sa mga raid operations na pigsagibo kan mga otoridad ay ibubugtak na sana sa mga direct flights pabalik sa saindang mga nasyon apwera na sana sa mga banyagang nangangaipihan nin pirang ruta gikan man sa Pilipinas.
Sigun ki Immigration Commissioner Joel Viado, obheto kaini na malikayan an mga loophole sa mga POGO deportees na posible pang makatakas kun mag sairarom pa sa mga layovers an mga flight kaini.
Dugang pa kaini, saro ini sa mga lakdang kan saindang ahensya tangani mas mapakusog pa an deportation procedures sa mga indibidwal na ini.
Sa paagi soboot kaini, malilikayan na mapahiwas pa kan mga foreign nationals na ini an saindang mga POGO operations sa iba pang mga Asian countries.
Mientrastanto, an inisyatibong ini an suportado man kan senado komo ini man an nahihiling na solusyon tangani malikayan na an pagkuriyat kan mga POGO hubs sa nasyon asin man tangani dae na madaling mamamanipula kan mga high-profile criminals an mga bagong deportation protocols.
