Nag-abiso an Bureau of Immigration (BI) kasunod kan padagos na paglangkaw kan numero kan mga Pilipinong ilegal na nagluluwas nin nasyon tanganing magtrabaho sa manlaen-laen parte kan Asya.
Pigpatanidan ni Bureau of Immigration (BI) Commissioner Joel Anthony Viado an mga nagmamawot magtrabaho sa ibang nasyon dapit sa pagdakol kan mga ilegal na tangro sa trabaho sa manlen-laen na nasyon sa Asya, mantang padakol nin padakol an mga mapanlinlang na recruiter na nambibiktima nin mga Pilipinong naghahangad nin trabaho sa abroad.
An anom na repatriates — duwang lalaki na igwang edad 29 asin 27, asin apat na babae na may edad 21, 26, at 29 — nag-abot kan Miyerkules nin aga gikan Phnom Penh, Cambodia.
Sigun sa BI, saro sa anom an nag-agi sa ilegal na ruta o “backdoor” sa Palawan, mantang an lima naghali sa nasyon komo mga turista gikan sa Manila.
Sigun sa Bureau of Immigration (BI), saro sa anom an nag-agi sa ilegal na ruta o “backdoor” sa Palawan, mantang an lima an naghali sa nasyon komo mga turista gikan Manila.
Sigun sa saro sa mga biktima, an primerong target kan saindang operasyon an mga taong nagtatrabaho sa harong sa Estados Unidos.
Pig-istorya kan anom na biktima na naghagad sa sainda nin kantidad na USD 2,000 hasta USD 8,000 para sa saindang pagpapalibre, alagad pinili nindang tiuson an sitwasyon. Saro sa saindang an nakadulag kan suguon pasiring sa sarong mall tanganing magbakal nin mga gamit.
Sigun sa BI, kadaklan sa mga biktima napatubod kan pekeng job advertisements asin naenkaminar kan halangkaw na sweldo kaya nagbali sa mga scam hub.
Pigpapahiling kan kaso an bagong taktika kan mga trafficking syndicate, na piggagamit an Cambodia komo source, transit, asin destination country para sa human trafficking.
