Nag-apelar si Bureau of Immigration (BI) Commissioner Joel Anthony Viado sa Municipal Trial Court (MTC) na ibwelta sa saindang kustodiya si Tony Yang.
Sa sarong pahayag, pigsaysay ni Viado na kahagadan kan BI sa MTC Branch 7 sa Cagayan de Oro na ibalyo sa sainda an kustodiya ni Yang enkaso tugutan ining makapagpiyansa kan korte.
Si Yang, soboot naggagamit man nin pangarang Yang Jianxin sa saiyang mga Chinese documents, naarestar kan 2024 nin fugitive search unit asin intelligence division kan Bureau of Immigration (BI), katabang an Presidential Anti-Organized Crime Commission (PAOCC), sa Ninoy Aquino International Airport (NAIA) Terminal 3 makalihis ining mag-abot gikan sa Cagayan de Oro (CDO).
Presenteng naka-detine si Yang sa Cagayan de Oro (CDO), kun saen nahahampang man ini sa mga kasong falsification of public documents, perjury, asin paglabag sa Anti-Alias Law sa mga lokal na hukuman — pawang mga kasong pupwedeng piyansahan.
Siring man, nahahampang man si Yang sa kasong deportation huli sa pagpamalo-malo soboot komo sarong Pilipino.
Sigun ki Viado, huli ta igwang nakabinbing kaso pa kan deportation si Yang sa ahensya, dapat ining ibwelta sa kustodiya kan BI tanganing malikayan an posibilidad na makadulag ini sa pagkakakulong.
