Pigkumpirmar kan Bureau of Immigration na sainda ng pigbabantayan sa isinasagibong ‘monitoring’ an pagluwas asin magin pagbweltada kan nasyon sa mga indibidwal na imbwelto sa ‘missing sabungeros case’.
Sigun ki Spokesperson Dana Sandoval, sinugo na ni Immigration Commissioner Joel Anthony Viado an mga personahes kan kawanihan tanganing i-monitor an mga naiimbwelto sa opagkawara kan mga sabungero.
Alagad saiyang nilinaw na an aksiyong ini an sarong ‘proactive measure; pa sana sa kadahilanang bigong makaresebir pa nin ‘lookout bulletin order’ gikan sa Department of Justice.
Marurumduman naenot ng sinaysay ni Justice Secretary Jesus Crispin Remulla na sainda ng inisyu an nasambitan ng kasuguan kontra mga ‘respondents’ sa ‘missing sabungeros case’.
Kaibahan digde magin an negosyanteng si Charlie ‘Atong’ Ang na marurumdumang maduon na pinahimutikan an saiyang pagkakaimbwelto asin alegasyon na ‘mastermind’ sa isyu.
Alagad pwede pa man na makaluwas nin nasyon an mga naiimbwelto, an ‘Immigration Lookout Bulletin Order’ an obhetong makakua nin impormasyon dapit sa pagbweltada asin paghali man kan mga ini nin Pilipinas.
