Pinalawig kan Bureau of Immigration (BI) an saindang pagpapautob kan Advance Passenger Information System (APIS), komo parte kan pagpapakusog kan national security sa paagi kan amay na pag-aram sa mga huma.
Ikinaogma ni BI Commissioner Joel Anthony Viado an inisyatiba asin inapod an APIS komo sarong critical defense line sa mga hangganan kan nasyon asin sarong dakulang lakdang pasiring sa digital transformation asin security posture.
An APIS an sarong digital platform na nagtutugot sa mga otoridad na masuri an mga malaog na biyahero maski na antes pa sinda mag-abot sa nasyon.
Kan nakalihis na semana, hinarang asin dae tinugotan kan BI na makalaog sa NAIA Terminal 1 an sarong dayuhang pasahero makalihis ining ma-flag kan sistema huli sa pagkakaigwa nin Interpol blue notice.
Naikokonektar an indibidwal sa critical activities sa ibang nasyon.
Padagos na pig-eenkaminar kan ahensiya an mga airline companies na makikisumaro asin maiiba an saindang sistema sa APIS.
