NAGA CITY- Nabigla an pamayuhan kan Bicol Central Station huli sa pagdagsa kan mga pasahero kan nakalihis na semana.
Sa nagin paghampang sa mga kagawad kan media ni Nonoy Reforsado, Bicol Central Station Operation Manager, sinaysay kaini na basado sa saindang nagin monitoring asin analysis an pagdagsa na ini kan mga pasahero an kawsa kan pagpupuon na kan bakasyon kan mga estudyante.
Mantang an iba man an nag-uruli gikan sa ibang rehiyon tanganing sunduon an saindang mga kaparientes na nag-eskwela sa syudad nin Naga o kaya naman sa probinsya kan Camarines Sur.
Kun sain, eyo man idto an dae naantisiparan kan saindang lado asin an sulamenteng available na mga bus an para sana sa regular trips na mapakol sana sa 85-88 daily trips na pasiring sa Manila.
Alagad kan nakalihs na weekend pigkakarkulong mapakol sa 110 daily trips an kinaupuhan, kun kaya tolos man sindang naghagad nin asistensya sa mga bus operators na madugangan an byahe.
Medyo nahaluyan sana an paghalat kan mga pasahero alagad gabos man sa mga ini an nakalunad asin nakapagbyahe.
Sa ngunyan, pinaglalaoman man kan opisyal na liwat na mabulos an mga pasahero pag-abot kan enrollment period asin pagpuruonan liwat kan klase para sa masunod na school year.
