NAGA CITY – Nakapagrehistro nin mas halangkaw na kaso kan mga naabuso online an Cyber Response Team sa Bicol Region.
Sa entrevista kan Bombo Radyo Naga ki Angelo Babagay, Team leader Camarines Sur and Camarines Norte Provincial Cyber Response Team, pigsaysay kaini na nagkaigwa sinda nin provincial response team, kun saen nairereport an mga nabibiktima nin pag-aabuso sa online.
Huli digdi, kun kaya nagdakol an numero kan kaso kan nasambitan ng kaso, kumparar sa ibang rehiyon na hararayo an opisina kun kaya dae na nairereport an siring na pang-aabuso.
Sigun ki Babagay, pinapalikay man an publiko na magtugot basta-basta na magpapicture karibay an anu man na kantidad nin huli ta pupwede ining gamiton sa maraot na gibuhon siring kan pang-iscam.
Mientrastanto, pig-ako man kan opisyal na kun ikukumparar sa nakalihis na taon, mas naglangkaw an mga numero kan nabiktima kan krimen asin mas madudugangan pa soboot ini.
Kadalasan man soboot nakakasohan an mga mahiling maggamit nin social media nin huli ta maski soboot kadiit na dae pagkakaintindihan, an pigpopost pa sa social media.
