Pormal nang pig-anunsyar kan Presidente kan Estados Unidos na si Joe Biden na dai na ini liwat na madalagan para sa pagkapresidente sa maabot na eleksyon sa Nobyembre.
Sa pigdistrebwer kaining surat, sinaysay kan presidente na dawa mawot kaining magdalagan giraray, pigkokonsiderar kaini an kahagadan kan saiyang partido na dae na magpadagos.
Dugang pa kaini, tutukan sana kaini an saiyang mga responsibilidad komo Punong Ehekutibo kan Estados Unidos sa natatadang durasyon kan saiyang termino.
Nakatalaan man na magpaluwas nin pahayag an opisyal sa mga masunod na aldaw dapit sa nasambitan ng desisyon.
Magigiromdoman na labing 30 na mga Democrats na saiyang mga kaalyado an nag-aapod na ki Biden na dai na magpadagos sa pagdalagan bilang presidente huli ta sinda nahahadit sa saiyang salud.
Inendorso man kaini si Vice President Kamala Harris na salidahan ini tanganing atubangon an karibal na si dating US President Donald Trump sa eleksyon.
