NAGA CITY-Naghagad nin dispensa si US President Joe Biden ki Ukrainian President Volodymyr Zelensky huli sa naantalang tabang militar kaini na nagkakantidad nin $225-milyon.
Nagkaulay an duwa kan mag-atendir sinda sa 80th anniversary kan Veterans’ Day Landings sa France.
Sigun man sa US Department of Defense an nasambitang bagong aid package kinababalihan nin mga bala asin anti-aircraft missiles.
Pigsambit pa ni Biden na an rason kan pagkaantala kan saindang tabang militar huli sa pagkontra kan pirang mga lehislador alagad pigsisierto man kaini na mahigot an suporta kan US sa Ukraine puon kan mag-atake an Russia kan taong 2022.
