ARAM baya nindo mga ka-bombo, nakaguno nin pag-omaw sa social media an 25-anyos na babaeng estudyante makalihis na atamanon asin gibuhon kaining pet an sarong ordinaryong orig sa Barangay Jawili, Tangalan, Aklan.
Sa impormasyon na pigheras ni Febbie Rose Tumbagahan, residente kan nasambitan ng lugar asin kagsadiri kan orig na pigpangaranan kaining si “Babe”, na haros nagpundo na ini sa paghangos kan ipinangaki ini kan saiyang inahin.
Alagad, pigporbaran man soboot ni Tumbagahan na salbadon sa paagi kan mouth-to-mouth resuscitation an nasambitan ng orig.
Kun sain ini man an pinakaenot na pagkakataon na tinawan kaini nin mouth-to-mouth an dawa anong nabubuhay na hayop. Pigpainom pa soboot kaini nin tubig na igwa nin salak na asukar gamit an beberon hasta man na magdakula an nasambitan ng biik.
Sa presente, haros apat na bulan naman an nasambitan ng orig asin igwa na ini nin gabat na 30 kilos.
Sigun pa ki Tumbagahan na nakahiligan naman kaini an pag-aataman sa manlaen-laeng klase kan hayop siring na sana kan ido, alagad kakaiba soboot ngunyan huli ta sarong orig an saiyang kaiba-ibahan sa pagturog asin paglalakaw lakaw sa baybayon asin pagpapapakakan sa saiyang mga ataman.
