Padagos na nadidipisilan an mga rescue team sa paghanap kan mga nawawara matapos an mahewasang pagbaha gikan sa pagguho kan glacier sa linderos kan China asin Nepal. Nagpakol na sa haros 4,500 an nawawara, mantang ;labi sat 900 katawo na an kumpirmadong nagadan.
Huli sa napakakusog na agos kan malipotna tubig, gapo asin laboy, dakul sa mga banwaan asin komunidad an matinding napinsala. Dakol man na lawas an nanutaran sa mga salog asin an iba nailulubong sa mass graves matapos kunan nin DNA sample.
Padagos an operasyon tanagning iligtas an poco-mas-o menos 100 obrero kan hydropower na pigtutubudan na na-trap sa mga tunnel. Labi 20,600 personnel an ipinadara para sa rescue operation asin labi sa 3,100 katawo na an nailigtas.
Segun sa mga eksperto, nagpoon an huma sa pagguho kan glacier, na pwede na may kaugnayan sa pagbabago kan klima. Huli digdi, dakol na mag tinampo, tulay asin power plant an naraot, kaya lalo pang nagin dipisil an pagtabang sa mga biktima.
Nag-apelar an Nepal nin gikan sa ibang nasyon huli sa dakulang pangangaipuhan, kabale an mga kagamitan para sa pagtipon kan mga lawas. Mientrastanto, padagos an rescue operations sa Tibet mantang pighahalat an mas kumpletong impormasyon dapit sa mga binawian nin buhay asin nawawara.
