NAGA CITY- Aminado an National Youth Commission (NYC) na dakol na jovenes an mawot kuta nang magkandidato sa mga Sangguniang Kabataan (SK) positions alagad nadiskwalipikar huli sa panibagong age bracket.
Sa entrevista kan Bombo Radyo Naga ki Sheridan Gajete, SK Secretariat kan NYC, sinaysay kaini na apwera sa pinapaotob na panibagong age bracket saro man suboot sa nakapagpababa kan numero kan mga kandidato an “anti-political dynasty law”.
Sigon ki Gajete, dapat nagkaigwa kuta na nin mas halawig na oras para sa voters education tanganing nai-esplikar nin tultol an manungod sa age limit siring man an ley na pinapaotob para sa mga SK.
Kun marurumduman, basado sa nakalaag sa Republic Act No. 10742 o an Sangguniang Kabataan Reform Act of 2015, nakabugtak na an edad kan mga pwedeng magdalagan komo
SK Chairman asin SK Kagawad an nasa 18 hasta 24 anyos gikan sa dating 15 hasta sa 17-anyos kan mga nakaaging eleksyon.
