Pigluwas na ni Senate President Vicente Sotto III an saiyang Statement of Assets, Liabilities, and Net Worth (SALN), kun saen nagluwas na nagpakol sa P188,868,123.40 an bilog na yaman.
Basado sa Certified True Copy kan SALN na pigluwas kan opisina ni Senate Secretary Atty. Renato Bantug Jr kan Hunyo 30, 2025, pigreport ni Sotto na nagkakantidad nin P335.17 milyon an saiyang mga real property.
Kairiba digde an tulong harong asin lote — kun saen an pinakamahal pigkakarkulong P235 milyon siring man an duwang condominium unit, duwang residential lot, asin sarong agricultural lot.
Nagpakol man sa P130.4 milyon an kantidad kan saiyang personal properties, rason tanganing magpakol sa P465.6 milyon an bilog na assets ni Sotto.
Igwa man mga utang man si Sotto na nagkakantidad nin P276.7 milyon, kaibahan an bank loans, personal loans, asin iba pang bayadan. Huli digde, nasa P188.9 milyon an saiyang net worth.
Naglangkaw nin P103.2 milyon an yaman ni Sotto sa nakalihis na limang taon gikan puon P85.6 milyon kan 2020 hasta sa presenteng kantidad. Kan 2016, nasa P63.8 milyon an saiyang pagsadiri.
Sa parehas na dokumento, pigdeklarar man kan senador na nasa walo an saiyang sadiring tawo na nagseserbisyo man sa gobierno.
An pira digde nasa saiyang opisina. Si Sotto bistado man regular host kan sarong noon time show makalihis ining paramientras nagpahingalo sa pagigin senador.
