Nagpakol na sa 12 an mga naikukurit na binawian nin buhay huli sa dengue na presenteng nagkukuriyat ngunyan sa manlaen-laen na panig kan nasyon.
Sa sarong pulong balitaan, ipigheras mismo kan Philippine Red Cross na nadugangan liwat an numero kan mga binawian nin buhay dara kan mapeligrong helang.
Sigun ki Chairman Richard Gordon kan Philippine Red Cross, an siring na paglangkaw kan kaso sa dengue an dae soboot dapat ipagsawarang bahala orog kan publiko.
Hurot kaini, apwera sa doseng (12) kaso nin mga binawian nin buhay, nagpakol na sa labi 1,700 an rekord kan mga nagkahelang puon kan maglaog an bagong taon.
Dugang pa digdem, pigkakahaditan man an posibilidad na baka mag-abot na naman an talaan kan nasyon sa igwang pinakahalangkaw na kaso kan dengue sa bilog na kinaban.
Mientrastanto, kasabay kan nagdadakol na kaso kan mga naikurit na nagkakahelang, pighayag man ni Chairman Richard Gordon na nagdoble man an demand sa dugo gikan sa saindang opisina.
Soboot, nahilingan nin labi sarong gatos na porsyentong paglangkaw sa mga nangangaipuhan nin dugo dara kan matinding epekto kan dengue sa kalusugan.
Huli digde, liwat na nagpagiromdom an nasambitan ng chairman sa publiko na mantinirion an kalinigan sa palibot kan harong pati na man tamang pag-aapon nin mga basura tanganing mabawasan an pagdakol kan mga nagkakahelang.
