Nagpakol na sa poco mas o menos 78 indibidwal an binawian nin buhay huli sa labing pagbaha sa Texas.
Kabali sa nasambitan ng numero an nasa 28 na kaakian.
Katakod digde, nagpapadagos man an paghahanap sa nawawarang aking babae sa summer camp mantang pigkakahaditan an orog pang paglala kan sitwasyon.
Sigun ki Larry Leitha, an Kerr County Sheriff kan Texas Hill Country, enot nang nairehistro an nasa 68 katawo na binawian nin buhay huli sa pagbaha alagad pigsaysay man ni Texas Governor Greg Abbott, na igwang 10 pa an nagadan sa ibang parte kan 10 Texas asin 41 katawo an nawawara.
Saro sa labing naapektaran kan labing pagbaha an Camp Mystic summer camp, ini an pigkokonsederar na luma o gurang nang Christian girls camp.
Mientrastanto, plano man na magbisita ni US President Donald Trump sa nasambitan ng lugar asin an pagpromesa na matao nin dugang na tabang sa mga apektado kan pagbaha sa estado.
Sa ngunyan, padagos an paghahanap sa mga biktima gamit an mga helicopters, drones asin mga bangka.
