Binawian nin buhay sa mahewasang wildfire sa Chile, nagpakol na sa 16

Nagpakol na sa 16 na katawo an binawian nin buhay makalihis an panlalamasa kan wildfires sa Chile.

Huli digde, pig-anunsyar ni Chilean President Gabriel Boric an state of catastrophe sa rehiyon kan Nuble asin Bio Bio.

Pinaebakwar na man an nasa labi 20,000 katawo na apektado kan nasambitang ng wildfires kun saen labi 250 kaharongan an nasulo.

Tinupok na kan kalayo an nasa 8,500 na hektarya kan kadagaan sa duwang rehiyon.

Nagpuon an dakulang kasulo huli sa naeeksperyensiyahang labing init kan panahon sa nasambitan ng nasyon.