Magigin special guest sa paparaning ‘B New Era’ birthday concert kan Thai Girls Love superstar na si Becky Armstrong si BINI Aiah sa Thailand sa Nobyembre 30.
Pig-anunsiyar ini kan Huwebes, Oktubre 23 sa opisyal na social media accounts kan Becky Entertainment, an sadiring entertainment company kan Thai GL star.
Ikukundusir an birthday concert sa Queen Sirikit National Convention Center sa Thailand sa Nobyembre 30.
Magigin available an tickets puon Oktubre 30 sa Eventpop.
Pigheras man an mga fan benefits depende sa ticket tier, kaiba an opisyal na signed posters, private photo session, soundcheck, hi-bye session, asin hi-touch session.
Iaanunsiyar an listahan kan mga fan benefits winners sa Nobyembre 16 sa opisyal na social media accounts kan Becky Entertainment.
An ‘B New Era’ birthday concert ikaduwang solo birthday concert ni Becky makalihis an trayumpo kaining ‘Queen B’ birthday concert sa Thailand kan Disyembre 2024.
Kan 2024, nag-live si Becky sa TikTok asin pigheras kun paano nabisto kaini an visual ace kan BINI. Sigun sa saiya, nadiskubrer kaini si Aiah sa sarong fancam na pigpost sa TikTok, kun saen nahiling kaining magayon asin talentado.
