Makulog na istorya kan naglahong pagpadaba an ipegheras kan bandang Six Part Invention sa bagong kanta na Wasak Na Puso na igwang madamdaming music video na tampok si BINI Gwen.
Ini an pigsurat asin pig-produce kan lead vocalist na si Rey Cantong an kanta na naglaladawan sa pagkamundo na dara kan paghali kan tawong pigpapadaba.
Nagbida si Gwen sa music video komo audio archivist na nagdadangog sa lumang voice recordings na binayaan kan sarong ama sa saiyang mga aki.
Presenteng lampas 200,000 views na ini sa YouTube.
Mientrastanto nagin parte an pop-rock band kan Aurora Music Festival 2025 na pigkundusir sa Davao kun saen pigpadangog ninda an bagong kanta.
Nagserbeng comeback single kan banda an Wasak Na Puso makalihis an 2024 single na Tama Pa Ba.
