Naireport na binawian nin buhay an Bise Alkalde kan Ibajay, Aklan na pigbisto komo si Vice Mayor Julio Estolloso sa laog mismo kan saiyang opisina subagong alas 9:15 am nin aga ngunyan na Biyernes.
Sigun sa Ibajay Municipal Police Station, binadil kan gunman na pigbisto na si Mihrel Senatin an opisyal gamit an sarong 9mm na badil na tolos na nagtama sa walang daghan kan bise alkalde.
Tolos man na dinara sa ospital an opisyal alagad pigdeklarar na dead on arrival kasubagong 10:23 nin aga.
Pighihiling na motibo ngunyan sa krimen an posibleng nagin initan kan biktima asin kan suspek sa session hall makalihis na maghagad an suspek nin kopya kan mga ordinasang naipasa sa irarom kan termino ni Estolloso.
Sa presente, nagsasairarom pa sa imbestigasyon an insidente mantang kustodiya na kan Ibajay MPS an suspek na tolos na naarestrar makalihis na purbaran na magdulag sa crime scene.
Limang basyo man kan bala an nahiling sa pinangyarihan kan krimen na nakatalaan man na isairarom sa imbestigasyon.
