Nagtalikod na sa kinaban an bistadong televangelist sa US na si Jimmy Swaggart sa edad na 90 anyos.
Kinumpirmar ini kan saiyang Ministries kun saen pinasalamatan ninda an mga medical staff kan Baton Rouge General Medical Center sa Louisiana.
Dae na nagtao pa nin ibang detalye an kampo kaini kun ano an rason kan pagkagadan.
Sa saiyang kasikatan kan nakalihis na dekada 80, dae bababa sa 200 milyon an audience kaini sa bilog na kinaban.
Naimbwelto ini sa iskandalo kan magkaigwa nin relasyon sa sarong prostitute kun saen pig ako kaini sa congregation niya labi siyang nagkasala.
Dae nagtapos sa pag-aadal si Swaggart kun saen nagtrabaho ini sa pagibuhan nin bulak asin man naghakot nin mga grava tangani mabuhay. Sa edad kaining 17 anyos, pinakasalan kaini an 15-anyos na si Frances Anderson kun saen nabiyayaan man nin sarong aki na si Donnie na sumunod man sa yapak kan ama.
Taong 1969 kan ini magpuon sa radio broadcast nin preaching program asin man kan nakalihis na 1973, igwa na ining television show na nagpapaluwas kan saiyang mga sermons.
