Nag-untok an pag-rekord kan flight data asin cockpit voice records kan eroplano kan Jeju Air na nag-crash kan nakalihis na Disyembre 29, apat na minutos antes ining nagtama sa konkretong istruktura sa Muan airport kan South Korea.
Pig-aaram na kun ano an rason sa pag-untok sa pag-rekord kan black box kan eroplano.
An voice recorder an enot ng pig-adalan sa South Korea asin kan igwang mahiling na nawawarang datos an ipinadara ini sa US National Transportation Safety Board laboratory.
Dinara sa US an damaged flight data recorder para sa analysis sa pakikipagtabangan kan US safety regulator.
Nagkapira sa mga pigtutukdong rason kan pagbagsak kan Jeju Air 7C2216 an bird strike asin nagdeklarar nin emergency apat na minuto antes mag-crash.
