Piglalaoman kan Bureau of Customs (BOC) an posibleng P20 bilyong revenue loss ngunyan na taon, makalihis na ibaba an taripa sa imported rice alagad kumpiyansa an ahensiya na maanot man an target na koleksiyon sa tabang kan iba pang pinagkukuanang buwis.
Sigun ki BOC Assistant Commissioner Atty. Vincent Philip Maronilla, puon kan ibaba an tariffs gikan sa 35% pasiring sa 15% sa bisa kan executive order 6e na pinirmahan ni Presidente Ferdinand Marcos Jr kan nakalihis na Hunyo 2024, nag-abot na sa Php 13 hasta Php 14 bilyon an nawarang kita kan kawanihan.
Sinaysay man ni BOC Commissioner Ariel Nepomuceno na dakulang parte kan koleksiyon an gikan sa excise tax sa produktong petrolyo asin mga pick-up trucks, na ngunyan an sakop na kab buwis sa irarom kan Capital Markets Efficiency Promotion Act (CMEPA).
Kan nakalihis na taon, 24% kan kabilogang kita kan BOC an gikan sa buwis sa petrolyo.
Dugang pa digde, bakong kasing dakula kan kontribusyon gikan sa rice tariffs an piglalaomang kita gika sa petrolyo asin iba pang commodities, kaya nagtutubof sindang mapapanoan an kakulangan.
Pagsierto man ni Nepomuceno na sinda masunod sana sa kun ano an magigin desisyon kan Department of Agriculture asin kan Presidente dapit sa rice importation huli ta kadakol pa man sindang pwedeng pagkuanan nin buwis.
Ngunyan na taon, target lan Customs an Php958.7B na koleksiyon, asin sa enot na pitong bulan, nakapagkurit na sinda nin Php544.2B. Sa 2026, target kan ahensiua an Php 1T kita, mas halangkaw nin 11% kumparar ngunyan na taon.
