Pigsierto kan Bureau of Customs na saindang hahabulon an soboot kabilogang numero kan mga luxury cars na pagsasadiri kan pamilya Discaya.
Alagad maski igwang nagsasabing nasa 28, 40, asin 80 an mga behikulo kaini, sinaysay ni Customs Comm. Ariel Nepomuceno, hihingowahon nindang mahanap an gabos ka nasambitan ng mga lunadan.
Kaya saiyang sinaysay na pipiritong mahabol kan kawanihan an 80 ‘luxury cars’ na sinasabing pagsasadiri kan pamilya Discaya.
Ini an kasunod kan 14 matrayumpo nindang makontrol na kaibahan sa saindang mga pighahanap katakod sa implementasyon kan ‘search warrant’.
Mientrastanto, pigtawan-duon kan ahensiya na an paghahabol sa pagsasadiri kan mga imbwelto sa isyu kan flood control projects na bako sanang nakapokus sa pamilya Discaya.
Nilinaw ni Bureau of Customs Comm. Ariel Nepomuceno na nagkataon sana ini huli man ta enot na naaprubaran an ‘search warrant’ kontra sa nasambitan ng pamilya.
Katakod pa kaini, kinumpirmar ni Assistant Secretary Mico Clavano kan Department of Justice na pirmado na ni Justice Secretary Jesus Crispin Remulla an ‘initial batch’ kan Immigration Lookout Bulletin Order o ILBO kontra sa mga imbwelto sa isyu kan flood control projects.
Kun saen aprobado kan sekretaryo na maisyuhan na nin ‘Immigration Lookout Bulletin Order’ an mga indibidwal na imbwelto sa kontrobersyal na ‘flood control projects’.
