NAGA CITY – Magayon soboot sa pagmate an boluntad na pagdodonar nin dugo.
Sa entrevista kan Bombo Radyo Naga ki PSSG Markvel Amistad, Assistant PCAD kan NCPO, pigsaysay kaini na komo sarong blood donor aram soboot kaini an saiyang dugo na pigdonar makakatabang sa nangangaipuhan huli ta ini pwedeng makasalbar nin buhay o kaya man makakatabang sa saindang salud orog na an mga pasyenteng yaon man sa ospital.
Dugang pa ni Amistad na regular na soboot ining nagdodonar nin dugo ini makalihis an tolo o apat na bulan depende sa availability o kun igwa man nag-request.
Nagtutubod man an opisyal na an pagdonar nin dugo bako sanang nakakatabang sa nangangaipuhan alagad ini man nakakatabang sa salud kan nagdonar.
Pag-enkaminar man kaini an gabos komo Pulis asin blood donor na magdonar nin dugo an iba tanganing makatabang sa mga nangangaipuhan.
