NAGA CITY- Naalarma an mga empleyado kan Toyota-CamSur makalihis makaresibe nin impormasyon na igwang nakatanom na bomba sa laog kan nasambitan ng establisimeento sa banwaan nin Pili, Camarines Sur.
Enot kaini , nakaresibe nin text message an Costumer Relation Officer kan nasambitang kompanya kun saen nakasurat suboot sa mensahe kan sender na kaipuha na kan mga empleyadong maghale sa lugar huli ta anumang oras pwedeng magsabog an itinanom nindang bomba.
“Ipinapaabot ng sampo saaming grupo na kailangan niyong likasin ang inyong establisyimento sa lalong madaling panahon dahil anumang oras ngayon ay maari ng sumabog ang bombang itinanim ng aming grupo sa gusali ng Toyota.”
Katakod kaini, tulos na nakipagkoordinar sa Philippine National Police (PNP) asin Bureau of Fire Protection (BFP) an manhamiento kan nasambitang kompanya para masierto an seguridad kan saindang mga empleyado.
Alagad sigon ki P/Supt. Errol Garchitorena, Chief of Police (COP) kan Pili-PNP sinaysay kaining negatibo an resulta kan saindang inspeksyon sa nasambitan ng lugar.
Saro suboot sa hinihiling nindang anggulo an land dispute asin anggot kan sarong empleyado na naahale sa trabaho.
Sa ngunian, nagpapadagos pa an imbestigasyon kan mga otoridad dapit sa nasambitan ng pangyayari.
