Pig-orgulyo kan Bombo Radyo Philippines an panibagong trayumpo makalihis na masungkit an duwang pangenot na parangal sa 28th Kapisanan ng mga Brodkaster ng Pilipinas (KBP) Golden Dove Awards, sa paagi kan samuyang flagship station na Bombo Radyo Iloilo.
Pigbisto an Bombo Radyo Iloilo komo Best AM Station – Provincial, mantang an morning news program na Bombo News and Views Morning Edition an pigmirar man na Best Newscast – Provincial.
Uya an pinal na anunsyo:
Best Newscast – Provincial: Bombo News and Views Morning Edition
Best AM Station – Provincial: Bombo Radyo Iloilo
Ngunyan na taon, siyam (9) na programa kan Bombo Radyo Philippines an napili komo mga finalist sa manlaen-laen na kategorya—sarong pambihirang trayumpo na nagpapahilig kan mayong untok na pagtutok kan network sa kahusayan sa ladangan kan broadcast journalism asin public service.
Uya man an mga finalist gikan sa Bombo Radyo Philippines:
• Best Newscast – Metro Manila: Bombo Network News (BNN)
Best FM Station-Metro Manila: Star FM Manila
• Best Special Program: Star FM Manila at Bombo Radyo Cauayan
• Best Culture and the Arts Program: Bombo Radyo Iloilo
• Best Science and Technology Program: Bombo Radyo Iloilo
• Best Sports Program: Star FM Baguio
An mga parangal na ini a patotoo sa dedikasyon kan Bombo Radyo Philippines sa paghahatod nin dekalidad asin makabuluhang mga programa.
An trayumpo na ini an bako snaang bunga kan paglalapigot asin tibay kan mga tawong nasa likod kan mikropono, kundi sarong handog man sa mga nagdadangog, viewers asin tagasubaybay sa bilog na nasyon asin sa manlaen-laen na panig kan kinaban.
