Nanindugan si Department of Public Works and Highways (DPWH) Secretary Manuel Bonoan na dae ini mabutas sa pwesto komo sekretaryo kan ahensiya.
Sa saiyang video message, pighurot ni Bonoan na bako an paghali o paglikaya sa responsibilidad an tamang paagi tanganing makahanap nin solusyon.
Dugang pa kaini, preparado ining manimbag asin akuon an accountability, alagad dae kaini kukunsintihon o tutugotan an anuman na klase kan korapsiyon sa laog kan ahensiya.
Sa parehong pahayag, pig-anunsyar man ni Bonoan an pagbalyo sa kaniya-kaniyang mga pwesto kan Regional Director kan Region 4B, pati na an mga Assistant District Engineers asin section chiefs kan Batangas 1st District Engineering Office.
Kasabay kaini, sinaysay kan sekretaryo na presente man na pigbeberipika kan DPWH an aktuwal na pagkakaigwa nin mga flood control porjects sa Bulacan asin iba pang probinsiya sa Regions 3, 4B, 6, 7, asin 8.
Antes pa man ini, nakapagtatag na an DPWH nin Anti-Corruption Task Force tanganing enkaminaron an publiko na magreport kan mga kuwestiyonableng proyekto kan ahensiya.
