Naipabakal sa kantidad na $6.1 bilyon an koponang Boston Celtics kan NBA. Ini na an pinakadakulang kantidad na nabakal gikan sa sports franchise sa North America.
Pingenotan kan investor group na si William Chisholm an pagbakal kan Celtics kaiba kaini sinda Bruce Beal Jr an presidente kan sarong real estate giant.
Sinaysay ni Celtics CEO Wyc Grousbeck , na sarong Celtics fan asin nagdakula sa Boston an nakabakal kan nasambitan ng koponan.
Taong 2002 kan nabakal kan Grousbeck family an Celtics sa kantidad na $360 milyon.
Matinir man si Grousbeck komo governor kan Celtics hasta 2027-2028 season. Sigun man ki Chisholm na puon pa kaidto, die-hard Celtics fan na ini.
Pigkokonsiderar na an pagbakal sa Celtics an iyong pinakadakula sa NBA asin pangenot na sports sa Estados Unidos.
Nalampasan kaini an NFL team na Washington Commanders na naipabakal sa $6.05-B asin an $4-B na pagbakal sa Phoenix Suns kan 2023.
An Celtics an igwa nin 18 championships trophy sa historya kan NBA.
