Pig-anunsyar kan 90’s boy band na A1 an pagsasagibo kaini nin konsiyerto sa Bacolod asin Cagayan de Oro sa masunod na taon.
Sigun sa promoters kan grupo na ma-perform an grupo sa SMX Convention Center sa Bacolod City sa maabot na Pebrero 12, 2025.
Mantang sa maabot man na Pebrero 13, 2025 an ma-perform ini sa The Atrium, Limkethai Center sa Cagayan de Oro City.
An nasambitan ng mga show an dugang gikan sa dating show kaini sa Cebu City sa Pebrero 14, 2025 asin sa Quezon City sa Pebrero 15, 2025.
An British-Norwegian boy band an pigbilog ninda Paul Marazzi, Christian Ingebrigtsen, Mark Read, asin Ben Adams na nagpasikay kan mga kantang “Like A Rose”, “Caught in the Middle” asin “Heaven by Your Side”.
