Hinarana kan K-Pop group na BOYNEXTDOOR an rinibong mga Filipino fans sa saindang kaenot-enoting concert sa nasyon na pigsagibo sa Big Dome.
Laog kan performance kan nasambitan ng grupo an saindang hit songs na Earth, Wind & Fire; Dangerous; But I Like You; OUR; Call Me; 20; If I Say; I Love You; Amnesia; Lucky Charm; Fadeaway; Crying; But Sometimes; asin an One and Only.
Para man sa saindang encore yaon an Serenade; 400 Years; So Let’s Go See the Stars; asin But I Like You.
Mientrastanto, apwera sa Pilipinas, dadarahon man kan BOYNEXTDOOR an saindang KNOCK ON Vol. 1 concert sa Pak Kret, Taipei, Hong Kong, Jakarta, Tokyo, asin Seoul.
Alagad antes ini, enot naman na nagkaigwa nin konsyerto an grupo sa Nagoya, Osaka, Yokohama, asin Incheon.
Marurumduman, nag debut an an nasambitan ng grupo kan taong 2023 sa irarom kan saindang single album na Who sa irarom man kan KOZ Entertainment.
Ini an kinababalihan kan anom na miyembro sinda, Riwoo, Jaehyun, Taesan, Leehan, asin Woonhak.
Kan nakalihis na September 2024, pigpaluwas kan mga ini an saindang Extended Play titled na 19.99.
Apwera digde, enot naman nagbisita sa nasyon an nasambitan ng grupo kan December 2023 kun saen nag-atender an mga ini kan Asia Artist Awards (AAA) asin nanggana kan the Best Emotive (Music) asin Best Choice trophies.
