NAGA CITY- Pigheras kan pamayuhan kan Naga City Engineers Office na igwang nag-abot o naideliver na brand new customize combination high volume sewer asin high pressure six wheeler truck declogger sa siyudad nin Naga.
Sa nagin paghampang sa mga kagawad kan media ni Engr. Alexander Caning, pamayo kan Naga City Engineers Office, sinaysay kaini na magkakaigwa muna nin blessings kan nasambitan ng mga equipment sa pangengenot ni Mayor Nelson Legacion antes gamiton.
Sigun pa sa opisyal, gagamiton an nasambitan ng sewer asin declogger enkaso mag-request an mga barangay asin sa mga pagkakataon na kaipuhan an asistensiya kan mga ini.
Katakod digde, dakula man an pagpasalamat kan opisyal nin huli ta luma na an dating declogger na pirmeng subject sa repair asin dakula man ining katabangan sa on-going na maintenance kan drainage system sa bilog na siyudad nin Naga.
Dugang pa ni Caning, maski mayong request an mga barangay saindang pig-aaksyunan an mga areas na kaipuhan na kan tolos na asistensiya.
