Nangengenot pa man giraray na klase kan cancer sa Pilipinas an breast cancer, sigun sa Department of Health (DOH).
Sa datos, nagpakol na sa 33,079 an kaso kan breast cancer sa nasyon ngunyan na 2024, kun saen 17.5% an bagong kaso.
Obheto man kan DOH na mas pahigoton pa an kampanya sa early screening and detection tanganing maagapan nin amay an breast cancer.
Kasuarin sana, piglunsar an Breast Cancer Early Detection Services sa Western Visayas Medical Center (WVMC) sa Iloilo City, komo parte kan mahewasang kampanya kan DOH katakod kan breast cancer.
An ginibong lakdang kan WVMC na magkaigwa nin sadiring pasilidad na maghahatod nin Diagnostics hasta Therapeutic services gikan sa manlaen-laen na cadre kan healthcare workers kabali na an mga Gyne specialists, Pediatric oncologists, asin Hematologists an pigbisto kan ahensiya
