NAGA CITY- Arestado an sarong barangay kagawad sa syudad nin Naga asin pitong iba pa sa isinagibong buy bust operation kan Philippine Drug Enforcement Agency (PDEA) Camarines Sur sa Barangay Sta. Cruz sa nasambitan na syudad.
Binisto anmga suspek na sinda Romeo Calaniada, kagawad ng barangay Bagumbayan Norte; Roger Caliba, empleyado ng Naga City Abattoir; Randy Palivino, Ronald Palivino, Norman Mendones, Nelson Cepriaso, Alvin Ferrer asin suboot may tagsadiri kan drug den na si Pedro Ponce.
Ini an kinumpirmar ni PDEA Bicol Regional Director Christian Frivaldo sa intrevista kan Bombo Radyo Naga.
Segun ki Frivaldo, target kan saindang isinagibong buy bust operation sa Dimasalang Street sa nasambitan na barangay an suspek na si Norman Mendones na haloy na man suboot na tulak nin iligal na droga asin pigmamanmanan kan mga otoridad.
Naaktuhan suboot ninda an mga suspek sa laog kan harong na pagsasadiri ni Ponce.
Pinagtutubudang sa harong ni Ponce nagtitiripon an nasambitan na mga indibidwal para sa saindang pigigibong dakulang transaksyon nin iligal na droga.
Nakumpiskar man kan mga kabuhan kan PDEA Bicol sa mga suspek an pinagtutubudang shabu na pigkakarkulong maabot sa 50 grams o katampad na man nin P300,000 na street value.
Sa ngonian, pigpepreparar na an kasong isasangata kontra sa nadakop na mga suspetsado.
