NAGA CITY- Mahigot na pinahimutikan kan barangay kapitan sa Minalabac, Camarines Sur na nilamasa niya nin ‘dos por dos’ an sarong residente sa saindang lugar na nagresulta para idalagan ini sa ospital.
Sa ekslusibong entrevista kan Bombo Radyo Naga sa pigrereklamong kapitan na si Jesus Batalla hale sa barangay Salingogon sa banwaan nin Minalabac, sinaysay kaini na burat an residente na si Leon Farab kan magpasiring ini sa saiyang harong asin digdi na nagparibok.
Mismong an ina suboot ni Farab an nakiolay sa opisyal na disiplinahon na an saiyang aki.
Huli digdi, dinapang ni Batalla si Farab asin dara kan labing kaburatan kaini, nagkaturumba ini asin nabagok pa an payo sa semento na tulos man na pigdalagan sa ospital.
Sa ngonyan, nagtitinir pa sa Bicol Medical Center (BMC) si Farab makalihis na ini ma-comatose suboot asin padagos pa nanggad na pigbubulong kan mga doktor.
Nagpoon suboot an pagpaparibok ni Farab makalihis na sabihon na dinadaya ini sa slaughter house na pagsasadiri kan opisyal.
