NAGA CITY– Problema sa pagkamoot an pigtutukdong rason kan paghugot kan sarong 14-anyos sa Barangay San Esteban, Nabua, Camarines Sur.
Sa entrevista kan Bombo Radyo Naga ki P/Maj. Chester Pomar, hepe kan PNP Nabua, sinaysay kaini na basado sa saindang inisyal na imbestigasyon, dinamdam kan binatilyo an pagsusuwayan ninda kan kailusyon kaini.
Nadangog na soboot kan pamilya an nasambitan ng estorya alagad dae pighuna kan mga ini na mapupuli sa paghugot kan biktima an isyu.
Napag-aramang nag-inom muna nin arak an biktima hasta sa nadiskobre na sana an lawas kaini na nakabitay sa laog kan harong gamit an panggakod sa duyan asin mayo na nin buhay.
