Nasa kritikal na an supply sa BRP Teresa Magbanua na pirang aldaw nang naka-deploy sa Ayungin Shoal. Ini an kasunod kan pagkabigo kan Philippine Coast Guard (PCG) na magsagibo nin resupply mission huli sa pangha-harass asin pagtapa kan mga barko kan China sa humanitarian mission kansuudma.
Sa report, pigtapaan kan mga barko kan China an BRP Cabra asin BRP Cape Engaño na mahatod sana kuta nin pagkakan asin supplies. Sa pulong balitaan, sinaysay ni PCG Spokesperson for West Philippine Sea na hasta ngunyan na pagkaaga, nasa 36 an Chinese Militia Vessel, sarong barko kan China Coast Guard asin sarong nakarehistro komo rescue asin salvage ship.
Nasayang man soboot an mga ice cream na ipapadara kuta sa mga personahes kan PCG na lunad kan BRP Teresa Magbanua na para sana i-treat an mga ini katakod kan National Heroes’ Day kan Lunes.
Sigun ki Tarriela, nagpuon na magin agresibo an barko kan China sa palibot kan BRP Teresa Magbanua kan ikatolong semana sana kan Agosto. Nasa Escoda Shoal an nasambitan ng barko puon pa kan Abril 16.
