Posibleng magdurar nin duwa hasta tolong bulan an pagpapakarhay kan BRP Teresa Magbanua (MRRV-9701) huli sa danyos na pigkawsa digde kan mga barko nin China mantang binabantayan an Escoda Shoal.
Presenteng nakadaong an barko sa Danao, Cebu makalihis na magbwelta gikan sa Escoda Shoal para sa pagpapakarhay.
An danyos an makalihis tuyuohon kan mga lunadang pandagat kan China Coast Guard asin kan Chinese maritime militia na banggaon an barko kan PCG mantangini an nagpapatrolya sa pinag-iiriwalang tubig sa West Philippine Sea.
Sigun sa PCG, dae magastos an gobierno nin pondo para sa pagpapakarhay kan Japanese-made Magbanua.
Nagsasairarom man sa pagpapakarhay sa Cebu an duwang mas sadit na Coast Guard patrol vessels, an BRP Bagacay asin BRP Cape Engaño na naraot man kan mga barko nin China sa Escoda Shoal kan nakalihis na Agosto 19.
