Aram baya nindo mga ka-Bombo, naggibo nin historya an 16-time Grammy award winner na si Bruno Mars makalihis kaining makua an Guinness World Record para sa pinakadakulang concert sa laog kan sarong video game.
Kan nakalihis na January 17, nagdagsa an 12,862,161 concurrent viewers sa Roblox game na “Steal a Brainrot” tanganing saksihan an saiyang virtual performance.
Dinaog kan nasambitan ng numero an dating record holder na si Travis Scott, na naghalot nin 12.3 milyong paradalan sa saiyang Fornite event kan taong-2020.
Sa sobrang dakol kan active listeners ni Bruno Mars sa platform, nalampasan pa kaini an kabilogang populasyon kan Sweden.
Sa laog kan kawat, nagluwas si Bruno komo sarong virtual avatar asin pinerform an saiyang bagong single na “I Just Might” asin an classic hit na “Locked Out of Heaven”.
Apwera sa musika, nagin patok man an iniluwas kaining limited edition in-game character na inapod na “Brunito Marsito”, na dinownload kan labi 5.4 milyong beses kan mga parakawat.
An “Steal a Brainrot” an sarong sikat na kawat sa Roblox gikam sa capture-the-flag mechanics asin Italian internet humor.
Ini an primerong pagkakataon na nagkaigwa nin celebrity pop-up concert sa nasambitan ng game, na orog na nagpatibay sa reputasyon kan Roblox komo bako sanang gaming platform kundi pati na man music venue.
S
igun ki Jessica Meehan kan Roblox, patunay ini na an musika an igwang kapangyarihang magbuklod nin mga komunidad sa virtual world sa mga paaging dae piglalaoman.
