Pigsierto kan Bangko Sentral ng Pilipinas (BSP) sa publiko an dagos-dagos na produkisyon kan kwartang papel asin mga barya sa tahaw kan piglalaoman na malangkaw na currency demand ngunyan na Christmas Season.
Sa sarong statement, sinaysay kan BSP na kadalasan na naglalangkaw an demand para sa bago asin malinig na kwartang papel asin salapi kun holidays huli sa tradisyunal na pagtatao kan mga Pilipino nin mga regalong kwarta aguinaldo para sa saindang mga inaanak, kaparientes asin amigo.
Pig-abisuhan man kan BSP an publiko na librean pagpaparibay kan banknotes asin coins kabali an unfit currencies para sa malulutong na cash sa mga bangko.
An mga unfit banknotes an maati, igwang mantsa, igwang mga surat, asin igwang kupas na letra mantang an unfit coins man an igwang marking asin igwang kalawang.
Pighimok man kan BSP an publiko na ikonsidera an pagpapadara kan e-Aguinaldo imbes na pisikal na kwarta.
An pagpapadara soboot nin cash gifts electronically an convenient asin episyente asin nagtataguyod kan mga inklusibo asin digita na ekonomiya kan nasyon.
