Nagpatanid an Bangko Sentral ng Pilipinas sa publiko kontra sa padagos na paglaganap kan mga mapanlinlang na gibuhon na ilegal na naggagamit sa pangaran kan mismong BSP o kaya man an sa mga pangaran kan mga opisyal kaini.
Sigun sa Central Bank, obheto soboot kan modus na lokohon an publiko.
Nagkapira sa mga dokumentong pinepeke asin piggagamit sa panloloko an kinababalihan kan mga “assurance letters”, mga sertipikasyon, asin iba pang mga dokumento na igwang koneksiyon sa manlaen-laen na klase kan pautang, mga deposito sa bangko, asin iba pang transaksiyong pinansiyal.
Apwera pa digde, madalas man nindang pigpoporbarang makua an mga personal asin pinansiyal na impormasyon kan saindang mga biktima sa paagi kan manlaen-laen na paagi kan pag-eenkaminar asin panlilinlang.
Maduon na pighurot kan BSP sa publiko na dae ini nag-ootorisa o nagtataong pagtugot sa sisay man na maningil kan anuman na klase kan bayadan para sa anti-money laundering clearance o anuman na iba pang singil na igwang koneksiyon digde.
Kaya man, mahigot na piga-abisuhan an publiko na dae pagpansinon o balewalaon an anuman na kahina-hinalang komunikasyon na nareresebir, asin dae basta-basta magato nin anuman na personal na impormasyon o detalyes sa mga dae bistadong indibidwal o grupo.
Dugang pa digde, pig-enkaminar an publiko na i-report tulos an anuman na insidentr kan panloloko o kahina-hinalang aktibidad sa BSP sa paagi kan email asin isumbong sa pag-apod sa saindang contact contact number.
