Naglangkaw pa an nairehistrong mga pagyugo-yugo sa Bulkang Kanlaon kan nakalihis na aldaw nin Huwebes, sigun sa Philippine Institute of Volcanology and Seismology (PHIVOLCS).
Kabilugang 81 na mga volcano-tectonic o VT earthquakes an nairehistro kan Kanlaon Volcano Network sa pag-ultanan kan alas 12:00 nin imaaga kan petsa 16 kanOctubre 2025 asin man pasado alas 10:00 nin pagkaaga sigun sa PHIVOLCS.
Sinaysay kan PHIVOLCS na an kusog kan seismic events an gikan sa magnitude 0.1 hasta 2.9, na nabilog sa zero hasta anom na kilometrong rarom sa irarom kan hilagang-kanlurang parte kan bulkan na edipisyo.
An nasambitan ng VT an natukoy sa paagi kan rock fracturing processes asin increase sa aktibidad kan Volcano tectonic na nagpapahiling sana kan progressive rock-fracturing sa irarom kan bulkan mantang naglalangkaw an magma o magmatic gas pasiring sa agihan sa tuktok, dugang pa kan PHIVOLCS.
Apwera digde, sinaysay kan PHIVOLCS na an sulfur dioxide (SO2) gas emissions gikan sa bulkan an nasa average na 1,879 tonelada kan nakalihis na Miyerkules.
Ini an harani sa medium-term average na 1,830 tonelada kada aldaw magpuon kan Enero 1. Nagpatanid an PHIVOLCS na an mga pag-uswag na ini an pwedeng humantong sa katamtamang pagsabog kan Bulkang Kanlaon.
An parameters nagpapahiwatig kan pag ulang sa volcanic gas emission (or closed-system degassing) na pwedeng mag resulta sa pressurization asin pagmaga kan straktuta na pwede pang humantong sa moderately explosive eruption, susog pa sa PHIVOLCS.
Nakataas pa man an Alert Level 2 sa Bulkang Kanlaon. Sinaysay kan PHIVOLCS na an posibleng mga steam-driven o phreatic eruption o panandaliang maluya hasta sa moderately explosive na pagsabog an posibleng magkawsa nin mga peligro sa bulkan na nagbabanta sa buhay siring kan pyroclastic density currents o PDCs, ballistic projectiles, ashfall, rockfall, asin iba pa.
Inabisuhan an mga komunidad na nasa laog kan apat na kilometrong Permanent Danger Zone o PDZ na magtinir na salbado sa paagi kan pag ebakwar asin an mga nasa anom na kilometrong radius gikan sa summit crater an dapat magin mapagbantay asin preparado enkaso na lumala an sitwasyon.
Nagpatanid man an PHIVOLCS sa posibleng syn-eruption lahar asin sediment-laden streamflows sa panahon kan matinding pag-uran. Inabisuhan man kan civil aviation an mga piloto na likayang maglupad harani sa tuktok kan bulkan huli ta an abo gikan sa anumang biglaang pagsabog an pwedeng peligruso sa mga lunadang panghimpapawid, sigun sa PHIVOLCS.
