Nakapagrehistro nin mga bagong aktibidad an Bulkang Kanlaon basado sa iniluwas na datos kan Philippine Institute of Volcanology and Seismology (PHIVOLCS) sa nakalihis na 24hrs na obserabasyon kaini.
Basado kaya sa datos, nakapagrehistro nin labi sa 12 pagyugo-yugo o volcanic earthquakes kasabay kan 2 volcanic tremors an bulkan na naghaloy man nin haros 13 hasta 24 na minuto.
Kasabay man kaini, nakapagrehistro man nin duwang beses na pagbubuga nin abo an bulkan na naghaloy man nin 13 hasta 24 na minuto kun saen nakapagbuga ini nin 2077 tonelada nin sulfur dioxide.
Ini an may langkaw na 400 na metro na mayong patid na pagsangaw asin igwa nin kaibahang panaka-nakang abo.
