Dai kinaya kan Bucks an 47% na pangkagabsan na shooting performance kan Bulls na pinangenotan kan forward na si Matas Buzelis.
Pinano kan bagitong forward an stat sheet sa saiyang 19 puntos, 2 rebounds, 3 assists, sarong steal, asin sarong block.
Nagin dakulang tabang man an bench player na si Leonard Miller na nagkontribwir nin 18 puntos, pitong rebounds, asin duwang steal, tanganing manggana an Bulls sa laban.
Nangibabaw an marhay na depensa kan Bulls na nakakua nin 14 steals, sarong paagi tanganing piriton an Bucks na makagibo nin 30 turnovers sa bilog na laban.
Umabot pa sa 34 puntos an pinakadakulang kalamangan kan Bulls sa bilog na matchup.
Sa pagkadaog kan Bucks, nasayang an double-double performance kan bagitong forward na si Ousmane Dieng na nakagibo nin 10 puntos asin 11 rebounds, kaiba an 23-puntos na performance kan bench player na si Kameron Jones.
Ini na an ikatulong pagkadaog kan Bucks ngunyan na preseason mantang kapot man kan Bulls an 2-2 win-loss record.
