Pigsierto ni Philippine National Police (PNP) Chief PGen. Nicolas Torre III an mas pinatibay na koneksyon kan kapulisan asin mga eskwelahan tangani bantayan an kasalbaduhan kan mga estudyante kontra bullying asin iba pang krimen ngunyan na pagbubukas nin klase sa bilog na nasyon.
Sigun ki Gen. Torre, dae palalagpason kan PNP an ano man na huma sa mga kaakian sa laog man kan eskuwela o sa luwas orog na kada urulian.
Pig inkaminar man ni Torre an publiko na gamiton an 911 emergency hotline sa pagrereport nin bullying o ao man na kahina-hinalang insidente na posibleng makadanyar sa mga estudyante.
Mientrastanto, pigbisita ni Torre an pirang eskwelahan sa QC para sa Oplan Balik Eskwela. Kabali sa mga ininspeksyon ni Torre iyo an Batasan High School, President Corazon Aquino Elementary School asin Commonwealth Elementary School.
Obheto kaini na siertuhon an kasalbaduhan asin man seguridad kan mga estudyante kasabay kan pagbubukas nin klase sa nasyon.
